विवाहपंचमी महोत्सवमा २२ जाडीको सामुहिक विवाह

3 वर्ष पहिले प्रकाशित

Akul Prasad Sah

1082 Views

सुबोध कुमार राउत
जनकपुरधाम,मंसिर २२ गते । विश्व हिन्दु परिषद नेपालले यहाँ आयोजना गरेको सामूहिक विवाह कार्यक्रममा २२ जोडी युवा युवतिको विवाह भएको छ ।
रामजानकी विवाह महोत्सव (विवाह पञ्चमी)को अवसरमा विहिबार जानकी मन्दिर परिसरमा २२ जोडी दुल्हा दुल्हीको सामूहिक विवाह सम्पन्न भएको हो । सो सामूहिक आदर्श विवाहमा धनुषा लगायत अन्य जिल्लाका दुल्हा तथा दुल्हीले विवाह गरेका हुन् ।
विवाहको सम्पूर्ण खर्र्च विश्व हिन्दु परिषद द्वारा भएको धनुषा जिल्ला अध्यक्ष सन्तोष साहले बताउनुभयो । सामुहिक विवाहको लागि स्थानिय स्तरमा र बाहिरी सहयोग पनि आएको जनाएका छन ।
समाजमा व्याप्त रहेको दाईजो प्रथालाई निरुत्साहित गर्ने उद्देश्यले जानकी मन्दिरको आंगनमा सामूहिक आदर्श विवाहको लागि मण्डप बनाएर विहे गराइएको हो ।
त्रेता युगमा अयोध्याका राजकुमार श्री राम र जनक नन्दनी सीताको आदर्श विवाह भएको थियो । तर, अचेल दाइजो प्रथाले समाजमा व्याप्त विकृति, हत्याहिंसा, छोरीप्रति विभेद बढदै गएकोलाई न्युनिकरण संघले आदर्श विवाह गर्ने जोडीहरुलाई आफ्नै खर्चमा विवाह गराएको संघका अध्यक्ष संतोष साह बताउनु भयो ।
विवाह पंचमीको अवसरमा आएका साधु संतहरुलाई राम मंदिरमा संचालित गुठी कार्यालयले शुक्रबार विदाई गर्ने छन । महोत्सवमा थुप्रै साधुसंत यसवर्ष सहभागि भएका छन ।