कमल साह
जनकपुरधाम, असोज २९ गते । राष्ट्रिय बचत तथा ऋण सहकारी संस्थाले शुक्रबार बाट एटिएम संचालनमा ल्याएको छ ।
राष्ट्रिय बचत तथा ऋण सहकारी संस्थाले २१ औं वार्षिक साधारण सभाको अवसरमा सो एटिएम संचालनमा ल्याएको हो । जनकपुरधाम उपमहानगरपालिकाका उपमेयर किशोरी साह ले प्रमुख अतिथिको आसनबाट उक्त वार्षिक साधारण सभा र एटिएम को उद्घाटन गर्नुभयो ।
धनुषा जिल्लामा संचालित विभिन्न बचत तथा ऋण सहकारी संस्थाहरु मध्ये ‘‘स्मार्ट” सहकारी राष्ट्रिय बचत तथा ऋण सहकारी संस्था बन्न गएको बक्ताहरुले सो कार्यक्रममा बताएका छन ।
प्रमुख अतिथी उपमेयर किशोरी साह ले बचत तथा ऋण सहकारीहरु मध्ये राष्ट्रिय बचत तथा ऋण सहकारी संस्था उत्कृृष्ट रहेको बताउँदै आफु, श्रीमति, छोरा, छोरी समेत पाँचै जनाको नाउँमा शेयर सदस्यता लिने ईच्छा जाहेर गर्नुभयो । उहाँले जनकपुरधाम उप–महानगरापालिकाका पदाधिकारीहरुको पनि शेयर सदस्यता लिनको लागि कुरा राख्ने बताउनु भयो ।

राष्ट्रिय बचत तथा ऋण सहकारी संस्थाका अध्यक्ष विद्याकर प्रसाद साह ले अध्यक्ष मन्तव्य राख्दै भन्नुभयो,‘२०५७ सालमा स्थापना भएको राष्ट्रिय बचत तथा ऋण सहकारी संस्था आफ्नो २१ औं वार्षिक साधारण सभा अवसरमा सेवाग्रहीको सुविधाका लागि एटिएम संचालनमा ल्याएको छ ।” उहाँले राष्ट्रिय बचत तथा ऋण सहकारी संस्थाको एटिएमबाट राष्ट्रमा र भारतमा जुनसुकै बैंकको एटिएम मेशिनबाट रकम झिक्न पाउने व्यवस्था गरिएको जानकारी गराउनु भयो ।
राष्ट्रिय बचत तथा ऋण सहकारी संस्था २०७५ सालमा नेफ्स्कुनको सदस्यता प्राप्त गरेपछि सफटवेयरको माध्यमबाट दैनिक कार्यहरु संचालनमा ल्याएको हो ।
अध्यक्ष साह ले मोबाईल बैंकिंग ४ वर्षदेखि सफल रुपमा संचालन भईरहेको बताउँदै यसले टेलिफोन,बिजुली,टी.भी. नेटवर्कको विल भुक्तानी कार्यकोलागि हाम्रा ग्रहकलाई अन्यत्र धाउनु नपरेको जानकारी गराउनु भयो ।

यहाँका चित्रांश पार्टी पैलेश सभाकक्षमा आरम्भ भएको वार्षिक साधारण सभामा राष्ट्रिय सहकारी बैंक का प्रमुख विष्णु पराजुली, सुधिर पाण्डे,गंगा बलमपाकी, देवी चौलागाई,राजेन्द्र ढकाल लगायतका वक्ताहरुले राष्ट्रिय बचत तथा ऋण सहकारी संस्थाको कार्यहरुमा सह्रना गर्दै खुसी व्यक्त गरेका छन । उनिहरुले अगामी दिनमा यसैगरी अगाडी बढदै रहुनको लागि कामना गर्नुभयो ।
राष्ट्रिय बचत तथा ऋण सहकारी वार्षिक साधारण सभाबाट अनुमोति भए अनुसार १२ प्रतिशत सेयर लाभांश वितरण गर्दैछ ।