विपद् व्यवस्थापनमा वडा नं. २३ अगाडी

3 वर्ष पहिले प्रकाशित

Akul Prasad Sah

910 Views

कमल साह
जनकपुरधाम, माघ ५ गते । पश्चिमा हावाले ल्याएको कठ्यांग्रो जाडोबाट वडावासीलाई जोगाउन जनकपुरधाम उपमहानगरपालिका– २३ का वडाध्यक्ष राघवेन्द्र प्रसाद साह उपमहानगरपालिका भन्दा एक कदम अगाडी भएको छ ।
जनकपुरधाम उपमहानगरपालिका– २३ का वडाध्यक्ष राघवेन्द्र प्रसाद साह ले गत शनिवार अर्थात पुस २३ गते वडाभरीका विपन वर्गमा ३० क्वीन्टल दाउरा वितरण गरेर आगोको व्यवस्था गर्नुभयो ।
जनकपुरधाम उपमहानगरपालिकाले नगरको ठाउँठाउँमा आगोको व्यवस्था गर्न सोंचबुन्दै थियो । तर, वडाध्यक्ष साह ले आफ्नो वडामा पर्ने बेला,लादो र बिन्धी गाउंभरी दाउरा वितरण गर्नसफल भयो ।
वडाध्यक्ष राधवेन्द्र प्रसाद साह भन्नुहुन्छ,‘ गत जेष्ठ महिनाताका अगामी आर्थिक वर्षको बजेट बनाउन वडा भेला गरिएकोमा हामी विपद व्यवस्थापनमा समेत रकम छुट्टयाउन पुगेको ले आज उपमहानगरपालिकाको मुख ताक्नु परेको छैन ।

उहाँले वडा नं.– २३ को लागि कुल ९३ लाखको बजेट बनाएको बताउँदै सो परिषदबाट समेत पास भईसकेको थप्नुभयो ।
जनकपुरधामा उपमहानगरपालिका वडा नं. २३ मा सुचना गरेर वडा भेला गत जेष्ठ महिनामा भएको थियो । त्यस भेलाबाट रु ३ लाख विपद् व्यवस्थापनमा रकम छुट्टयाएको थियो । यसैगरी अन्य पालिकाका वडाहरुलाई पनि विपद् व्यवस्थापन गर्नुपर्ने सिख जानुपर्ने आवश्यकता रहेको छ ।