सुमेरु अस्पतालद्वारा निःशुल्क स्वास्थ्य शिविर

4 महीना पहिले प्रकाशित

Akul Prasad Sah

कमल साह
जनकपुरधाम, माघ २२ गते । काठमाण्डौमा संचालित सुमेरु अस्पतालले यहाँका सुभतारा ईंगलिस बोर्डिंग स्कूलमा दुई दिवसीय स्वास्थ्य शिविर संचालन गरिदै छ ।
जनकपुरधाम उपमहानगरपालिका ७ जानकी नगरमा संचालन भईरहेको सुभतारा ई.बो.स्कूलका संचालक एवं प्रिन्सिपल विनोद दास को सक्रियता ले सो स्वास्थ्य शिविर संचालन भईरहेको छ ।
सुमेरु अस्पतालमा कार्यतर चिकित्सक डा. संजिव दास को नेतृत्वमा संचालित उक्त स्वास्थ्य शिविरमा रोगीको प्रेसर,सुगर लगायतको जाँच संगै निःशुल्क औषधी पनि वितरण गरिदैछ ।

आज आईतवार सम्म चल्ने स्वास्थ्य शिविरमा वालविषेज्ञ र मेडिशिन विशेषज्ञलगायतका चिकित्सहरु सहभागि रहेका छन ।
त्यस शिविरमा डा.एरिक(अमेरीका),डा चेतन धाकर,डा.आशिष चौधरी,डा.प्रविन र डा. शियाक सहभागि रहेका छन ।
अस्पतालका डा. संजिव दास ले यस क्षेत्रमा कुल ४ दिनको शिविर लिएर आएको बताउँदै हामी एकदिन महोत्तरीको सकरी गाउमा शुक्रबार शिविर संचालन गरिसकेको बताउनु भयो । उहाँले हामी दुई दिन यस शुभतारा स्कूलमा शिविर संचालन गर्दा विद्यार्थी र विभिन्न रोगबाट पिडीत रोगीहरुले स्वास्थ्य जाँच गराएर लाभ लिनुभएको जनाउनु भयो ।

अन्तमा उहाँले हाम्रो कार्यक्रम अनुसार शिविर संचालन गर्नको लागि एक दिन अझै बाँकी रहेको ले त्यो थप्न सकिने बताउनु भयो ।
सो शिविरमा वडा नं. ७ का वडा अध्यक्ष निरज साह ले औषधी सहयोग गर्नु भएको शुभताराका ई.बों स्कूलका संचालक तथा प्रिन्सपल विनोद दास ले बताउनु भयो । सुमेरु अस्पताल,स्वास्थ्य शिविरमा सहभागि चिकित्सक र वडा अध्यक्ष निरज साह लाई उहाँले धन्यवाद दिंदै यस प्रकारका सहयोगहरु अगामी दिनमा पनि गरिदिनको लागि आग्रह गर्नुभयो ।