कमल साह
जनकपुरधाम, चैत्र १३ गते । यहाँ संचालित सेवा बचत तथा ऋण सहकारी संस्था लि.ले आफ्ना सदस्यहरुलाई क्षमता अभिवृद्धि गर्ने उद्येश्यबाट एक दिने तालिम सम्पन्न गरेको छ ।
सेबा बचत तथा ऋण सहकारी संस्थाका अध्यक्ष विन्देश्वर साह को अध्यक्षतामा आरम्भ भएको एकदिने तालिमका प्रमुख प्रशिक्षक राष्ट्रिय सहकारी बैंक जनकपुर शाखा प्रमुख विष्ण प्रसाद पराजुली रहनु भएको थियो ।
चैत्र ११ गते आयोजित सो तालिममा उहाँले सहकारीको संचालक र लेखा समितिको संयोजक सधारण सभाबाट निर्वाचन हुने प्राब्धान रहेको बताउनु भयो । उहाँले ऋण उपसमिति लगायतका समिति संयोजक संचालक सिमितिबाट चयन हुने प्राब्धान रहेको थप्नुभयो ।
नेपाल सरकारको ऐन अनुसार सहकारी संस्थाहरुको बिनियम मिल्नेगरी बेलाबखतमा संशोधन गरी रहनु पर्ने भएको ले त्यसको लागि चनाखो रहनुपर्ने उहाँले थप्नुभयो ।
उहाँले सहकारी ऐन अनुसार संचालक समितिको कार्यकाल ४ चार वर्ष को हुन्छ ।तर, लगातार २ पल्ट भन्दा बढी अध्यक्ष रहन नसक्ने प्राब्धान रहेको बताउनु भयो ।
उहाँले सहकारीलाई अध्यक्षको होईन सबैको बनाउनेगरी कार्यहरु संचालन गर्नुपर्ने बिचार समेत राख्नुभयो ।
सहकारीहरुले ३० प्रतिशत आफ्नै उत्पादनमा लगाउनु पर्नेगरी बिनियममा उल्लेख हुनुपर्ने बिचार सहकारी बंैकका प्रमुख पराजुली राख्नु भयो ।
सहकारीहरुमा हरेक महिना अर्थात मासिक बैठक गर्नुपर्दछ । त्यसमा पछिला महिनाको कार्य प्रगतिबारेमा समीक्षा गर्नुपर्ने साथै अगामी महिनामा के के गर्ने लक्ष्य समेत बनाएर अगाडी बढनु पर्ने सुझाब उहाँले सहकारीहरुलाई दिनुभयो ।
सो तालिम संचालनको लागि सहजिकरण सचिव कमल साह ले गर्नुभएको जनाएको छ ।

कमेन्ट गर्नुहोस्

12 comments

Leave Us A Comment

Search