+977 9854027065 | akulpdsah@gmail.com

उखुको मुल्य ७५० हुनु पर्ने माग सहित इस्तिहार आमरण अनसनमा

7 महीना पहिले प्रकाशित

Akul Prasad Sah

390 Views

सन्जु कर्ण, सर्लाही,
सर्लाही, पुस २ गते । उखुको मुल्य प्रतिक्विन्टल ७५० हुनु पर्ने माग सहित शेष इस्तिहार आमरण अनसनमा बसेका छन् । हरिवन ११ निवासी इस्तिहार आज (सोमवार ) बिहान देखी ईन्दुशंकर चिनी उद्योगको मूलगेटमा अनसन बसेका हुन् । अनसनकारी इस्तिहारको उखुको मूल्य प्रतिक्वीन्टल ७५० रुपैंया हुनुपर्ने, सरकारले गत सिजनकै दिन बाँकी अनुदान रकम तुरुन्त भुक्तानी गर्नुपर्ने, उखुको प्रर्वधन शब्द हटाई नियमानुसार अनुदान रकम सोही आर्थिक वर्षमा भुक्तानी गर्नुपर्ने, उन्नत जातको उखुको बिउको प्रवन्ध गर्नुपर्ने, कृषि योग्य जमीनमा सिंचाइको व्यवस्था गर्नुपर्ने, किसानलाई चाहिने मल खाधको प्रवन्ध गर्नुपर्ने लगायत ६ बुँदे माग रहेको छ ।


उनलाई प्रदेश सभा सदस्य जवाहर कुशवाहा, मिलगेट उखु उत्पादक समिति हरिवनका अध्यक्ष राजकुमार उप्रेती, नेकपा माओवादी केन्द्र हरिवनका अध्यक्ष अर्जुन पन्त, किसान नेता दिपेन्द्र मैनाली, गौरी महतो लगायतले माला लगाएर सम्मान गर्दै अनसन सुरु गराएका हुन् ।
त्यस्तै उखु मूल्य विषयमा सर्लाहीका उखु किसानले हिजो (आईतबार) दिउँसो हरिवनमा संघीय सरकारका अर्थ र कृषि तथा पशुपंक्षी विकास मन्त्रालयको ब्यानरको प्रतिमा बनाएर आगो लगाएका थिए ।
कृषि तथा पशुपंक्षी विकास नभई विनास मन्त्रालय तथा अर्थ नभई अनर्थ मन्त्रालयको रुपमा व्यंग्यात्मक ब्यानर प्रदर्शन गर्दै उक्त व्यानर जलाएका हुन् । महेन्द्र राजमार्गको कडरिया चोकमा जम्मा भएका किसानले सरकार र चिनी उद्योगी विरुद्द नाराबाजी समेत गरेका थिए ।
उखुको मूल्य तत्काल तोक्न र गत वर्षको बाँकी बक्यौता रकम भुक्तानी गर्न माग गर्दै आन्दोलन सुरु गरेका किसानले शनिबार हरिवनमा उखुको लाक्रा बोकेर नारबाजी सहित जुलुस निकालेका थिए ।


त्यस्तै, गत वर्ष सरकारले दिनुपर्ने ७० रुपियाँमध्ये अहिलेसम्म २१ रुपियाँ मात्रै प्राप्त भएको र बाँकी ४९ रुपियाँ यथाशीघ्र भुक्तानी गर्न माग गर्दै आन्दोलन थालेका हुन् ।
नेपाल उखु उत्पादक महासंघ, मिलगेट उखु उत्पादक समिति र किसान हकहित संरक्षण समितीको संयुक्त आयोजनामा विरोध प्रदर्शन भईरहेको छ ।
धमाधम उखु काटेर बेच्नुपर्ने बेला सरकारले उखुको मूल्य नतोक्दा किसान निराश बनेका छन् । मूल्य नतोकी मिल नचलाउन किसानले आग्रह गरेपछि देशकै सबैभन्दा ठूला दुई चिनी उद्योग इन्दुशंकर चिनी उद्योग हरिवन र एभरेष्ट चिनी मिल रामनगर महोत्तरीले उखु क्रसिङ सुरु गर्न पाएका छैनन् ।

यो खबर पढेर तपाईलाई कस्तो महसुस भयो ?

कमेन्ट गर्नुहोस्

मधेश प्रदेशको राजधानी जनकपुरधाममा पासोलागी एक महिलाको ..

धिरेश दत्त, जनकपुरधाम, साउन ९ गते । मधेश प्रदेशको राजधानी जनकपुरधाममा एक महिलाको मृत्यु भएको छ ।जनकपुरधामको वार्..

38 मिनट पहिले

गीतकार अशोक दत्तलाई कर्मयोगी लखनराम सेवा सम्मान

कमल साह जनकपुरधाम,श्रावण ९ गते । साहित्यकार एवं पत्रकार अशोक दत्तलाई कर्मयोगी लखनराम सेवा सम्मान पुरस्कार पाउने ..

7 घन्टा पहिले

बाल कविता ः अनमोल ज्ञान

लेखक ः मनोज पण्डितबिदेह न.पा. ७,वेलापटटी, धनुषा नगर भुल बाबु नगएर स्कुल ।पाउदैनौ ज्ञान तिमी कहिले बिल्कुल ।।अन्य क..

27 दिन पहिले

कपिलवस्तुमा चट्याङ लागेर २ जनाको मृत्यु

प्रिंन्स मिश्रा, कपिलवस्तुकपिलवस्तु, असार १२ गते ।कपिलवस्तुमा आज बिहान चट्याङ लागेर २ जनाको मृत्यु भएको छ। खेतमा..

28 दिन पहिले

जसपाको महाअधिवेशन चौथो दिनमा पनि अधुरै कार्यसमिति अब चय..

कमल साहजनकपुरधाम,जेष्ठ ३२ गते । जनता समाजवादी पार्टी (जसपा) नेपालको तीन दिने एकता महाअधिवेशन चौथो दिनसम्ममा अधुर..

1 महीना पहिले