डा.राउतको गम्भीर पहल, बल्ल पुग्यो प्रतिष्ठान विधेयक संसद्मा रामराजा प्रसाद स्वास्थ्यविज्ञान प्रतिष्ठान भवनका लागि टेन्डर
कमल साह
जनकपुरधाम, माघ १९ गते । सप्तरीको राजविराजमा निर्माणाधीन रामराजा प्रसाद सिंह स्वास्थ्यविज्ञान प्रतिष्ठानसम्बन्धी विधेयक सङ्घीय संसद्मा पुगेको छ । स्वास्थ्य मन्त्रालयको स्वीकृति र कानुन तथा अर्थ मन्त्रालयको सहमतिपछि शुक्रबार मन्त्रिपरिषद् बैठकबाट पारित भएपछि प्रतिष्ठानसम्बन्धी विधेयक सङ्घीय संसद्मा पुगेको हो ।
सङ्घीय संसद्बाट पारित भएपछि गठन आदेशबाट स्थापित प्रतिष्ठानका लागि चिकित्साशास्त्रतर्फ विभिन्न विषय पठनपाठन गराउने बाटो खुला हुनेछ । कानुनी व्यवस्था तथा भौतिक पूर्वाधारका लागि आर्थिक स्रोत सुनिश्चित नगरीकनै गत आम निर्वाचनअघि स्थापना गरिएको भनी बोर्ड झुन्ड्याइको प्रतिष्ठानलाई कानुनी संस्था बनाउन जनमत पार्टीका अध्यक्ष एवम् प्रतिनिधिसभा सदस्य डा.सिके राउतको पहलमा गठन आदेश जारी गरिएको थियो ।
जनमत अध्यक्ष डा.राउतकै अगुवाइमा अहिले प्रतिष्ठानसम्बन्धी विधेयक संसद्को दैलोमा पुगेको हो । संसद्बाट पारित भएपछि प्रतिष्ठान विभिन्न निर्धारित विषयमा अध्यापन गर्ने औपचारिक संस्थामा परिणत हुनेछ । रामराजा प्रसाद सिंह स्वास्थ्यविज्ञान प्रतिष्ठान पूर्वाधार तयार समितिका अध्यक्ष डा.पशुपति चौधरीले प्रतिष्ठान विधेयकले ऐनको रूप लिएपछि चिकित्साशस्त्रतर्फ स्नातकोत्तर र नर्सिङतर्फ स्नातक तहको पठनपाठन सुरु गर्नेगरी तयारी भइरहेको बताए । उनले नर्सिङतर्फ स्नातक तहसँगै राजविराजस्थित गजेन्द्रनारायण सिंह अस्पतालमा विद्यमान फ्याकल्टीलाई उपयोग गरी मेडिसिन, सर्जरी, स्त्री तथा प्रसूति रोग र हाडजोर्नी विषयमा आगामी शैक्षिक सत्रबाट स्नातकोत्तर पढाउने गरी तयारी थालिएको जानकारी दिए ।
प्रतिष्ठानको भौतिक पूर्वाधारलाई पूर्णता दिन ३० अर्बको गुरुयोजना बनाइएको छ । चालू आर्थिक वर्षमा भने प्रतिष्ठानको पूर्वाधार विकासका लागि सङ्घ सरकारले ४० करोड र मधेश प्रदेश सरकारले ४ करोड रुपैयाँ विनियोजन गरेको छ । पूर्वाधार विकासका ६४ वटा कम्पोनेन्टमध्ये एउटा महत्त्वपूर्ण कम्पोनेन्ट पहिचान गरी मधेश सरकारद्वारा विनियोजित रकमबाट तत्काल निर्माण कार्य सुरु गर्न टेन्डर गरिएको पूर्वाधार विकास कार्यालय सप्तरीका प्रमुख प्रवीण अधिकारीले बताए ।
कमेन्ट गर्नुहोस्
डा.राउतको गम्भीर पहल, बल्ल पुग्यो प्रतिष्ठान विधेयक संसद..
कमल साहजनकपुरधाम, माघ १९ गते । सप्तरीको राजविराजमा निर्माणाधीन रामराजा प्रसाद सिंह स्वास्थ्यविज्ञान प्रतिष्ठा..
4 दिन पहिले
महामना राजेश्वर नेपाली अभिनन्दन ग्रन्थको भारतको देवघरम..
कमल साहजनकपुरधाम,माघ १९ गते । प्रेस स्वतन्त्रता सेनानी एवं लोकमत साप्ताहिकका सम्पादक तथा प्रकाशक वरिष्ठ पत्रका..
4 दिन पहिले
गुठी जग्गामा अबैध बनाएका संरचनाहरुलाई बैध बनाउन गुठीबा..
कमल साहजनकपुरधाम,माघ १९ गते । गुठी संस्थानले आफ्नै अधिनमा रहेको जग्गा सुरक्षा गर्न पाईनरहेको ले ऐनमा संशोधन हुनु..
4 दिन पहिले
विवाहको उमेर दुई वर्ष घटाउँदा ‘एनजिओ’हरुको टाउको दुखाई
कमल साहजनकपुरधाम,माघ १९ गते । मधेश प्रदेशले विवाहका उमेर हाल कायम रहेको २० वाट घटाएर १८ मा झार्ने ऐन बनाउन खोज्दा ..
4 दिन पहिले
“शहीद सत्य नारायण मेमोरियल कप“ आजबाट कपिलेश्वरमा सुरु
सुबोध कुमार राउत,जनकपुरधाम, ८ गते । शहीद सत्य नारायण शाह स्मृति प्रतिष्ठान नेपालद्वारा आयोजित “शहीद सत्य नाराय..
15 दिन पहिले