कमल साह
जनकपुरधाम, चैत ७ गते । जनकपुरधाम उपमहानगरपालिका –३ का वडाध्यक्ष दिपेन्द्र साह कोे मनपर्दी यतिखेर पालिका भरी छताछुल भएको छ । चारकिल्ला प्रमाणित गरिदिनको लागि उपमहानगरपालिकाका कानूनी सल्लाहकारले आग्रह गरेपनि वडाध्यक्ष साह ले कुनै हालतमा नगरिने भनेर अडान देखाएको ले यो कुरा पालिका भित्रमा चर्चाको विषय बन्न पुगेको छ ।
जनकपुरधाम –३ का बासिन्दा महेन्द्र मेडिकल प्रालिका सञ्चालक एवं जनकपुर उद्योग वाणिज्य संघका वरिष्ठ उपाध्यक्ष मनोज कुमार साह वडासदस्यहरुदेखि उमहानगरपालिका काकूनी सल्लाहकार मंसुर राईन समेतले चारकिल्ला प्रमाणित गरिदिनको लागि वडाध्यक्ष साह संग आग्रह गरिदा पनि नटेरेर आफ्नो हैकमवादको पराकाष्टा देखाएको आरोप लगाउनु भयो ।
जउवासंघका वरिष्ठ उपाध्यक्ष मनोज कुमार साह ले बुधबार जउवासंघको सभाकक्ष मै पत्रकार सम्मेन गरेर उक्त आरोप लगाउनु भयो ।
सञ्चालक साहले भन्नुभयो,‘वडाध्यक्ष दिपेन्द्र साह ले व्यक्तिगत रिसइवीका कारण मनपर्दी गर्दै चार किल्ला सिफारिस दिन नमानेको हो ।
उहाँले वडाध्यक्ष साहले भने अनुसार आफूले चापाकल जडान नगराई दिएको लाई रिसइवी बनाई जनकपुर उद्योग वाणिज्य संघको निर्वाचनमा उनले मेरो बिरुद्धमा तथानाम सामाजिक सञ्जालमा लेखेको आरोप लगाउनु भयो ।
वडाध्यक्ष साहले मलाई परेशानीमा राख्ने उद्येश्यबाट उपमहानगरपालिकामा मापदण्ड विपरित भवन निर्माण गरेको भनी उजुरी केहि दिन दिनु भएको थियो । र अहिले आएर चार किल्ला सिफारिस कानुनी अनुसार दिन नमानेको बाट रिसइबी साधन खोजेको स्पष्ट बुझिएको आरोप उहाँले लगाउनु भयो ।
घटना बारे सुनाउंदै उहाँले भन्नुभयो, ‘आफूले घर निर्माण गर्दा उपमहानगरको मापदण्ड अनुसार छोडिएको सेडब्याकमा घर चढन सिढी निर्माण मात्र गरेको हो । त्यसका लागि आफूले विगतमा ३ हजार रुपैया जरिवाना समेत तिरिसकेको छु ।
आफु विरुद्ध वडाध्यक्ष साहले उपमहानगरपालिकामा उजुरी दिंदा त्यसको म माथि पुनः ५ हजार रुपैया जरिवाना गरियो । जरिवाना तिर्नुको अर्थ आफ्नो भवन सदर भइसक्यो । जब उपमहानगरपालिकाले सदर गरिसकेको छ, त्यसमा वडाले विवाद गर्नुको कुनै औचित्य छैन ।’
पत्रकारहरुको जिज्ञासामा वरिष्ठ उपाध्यक्ष साहले भन्नुभयो,‘ उपमहानगरको आदेशमा पनि वडाध्यक्षलाई आपति छ भने चार किल्ला सिफारिससँग कुनै सरोकारै छैन । यदि उहाँलाई आपति छ भने भोलीका दिन उपमहानगरपालिका कार्यपालिका बोर्ड वा अन्य कुनै न्यायपालिकाले दिने दण्ड सजाय भोग्न तयार छु । तर अहिले चारकिल्ला सिफारिस रोक्नु भनेको पदीय मनपर्दी गर्नु बाहेक केही होइन ।’
उहाँले अगाडी भन्नुभयो, ‘मैले निर्माण गरेको घर मापदण्ड विपरीत छ भने वडाध्यक्ष साहले वडा नम्बर–२ मा मापदण्ड बिपरीत घर निर्माण गरेको र नक्सा पास समेत नरहेकोले त्यसमा पनि कारवाही हुनु प¥यो । साहले भोलिका दिनमा उक्त सडक ४ मिटर बनाउने तयारी गर्दा आवश्यकता परेको खण्डमा सेड ब्याकलाई तोड्न तयार छु ।’
सो पत्रकार सम्मेलनमा उपस्थित जनकपुर उद्योग वाणिज्य संघका अध्यक्ष सुरेन्द्र भण्डारीले पनि वडाध्यक्ष साहले व्यक्तिगत रिसइवी साध्न पदीय आडमा मनपर्दी गर्न खोजेको आरोप लगाउनु भयो । उहाँले वरिष्ठ उपाध्यक्ष साहले गरेको गलतीको पटक पटक जरिवाना तिरिसकेको ले चारकिल्ला सिफारिस दिन कुनै सरोकार नरहेको बताउनु भयो ।
जउबासंघका अध्यक्ष भण्डारीले यदी मापदण्ड विपरित नै भवन छ भने आफू स्वयं वडा कार्यालयमा गएर वडाध्यक्ष सँग उपहानगरपालिकाले गरेको सजाय विगतमा पनि भोगिसकेको हो । र, आउने दिनमा पनि भोग्न तयार रहेको भन्नुभयो । तर, चारकिल्ला सिफारिस नरोक्न आग्रह मात्र होइन उपमहागरका वकिलसँग समेत भवन मापदण्डसँग चारकिल्लाको सरोकार नरहेको भनाईमा पनि सिफारिश नदिनु गलत कार्या हो उहाँले बताउनु भयो ।
त्यस्तै वडा नं.३ का सदस्य रितेश भगतले आफू चारै सदस्यले पनि चारकिल्ला सिफारिस नरोक्न आग्रह गरिदा नमानेको पत्रकार सम्मेलनमा बबताउनु भयो । उहाँले यो पहिलो घटना होइन यस्ता कयौं घटना वडाध्यक्ष साह ले गरेर आफु खुसी एवं े मनपर्दी देखाई सकेको बताउनु भयो ।
यसअघि वडाध्यक्ष साहले पनि एक पत्रकार सम्मेलन गरी महेन्द्र मेडिकलको नवनिर्मित भवनलाई मापदण्ड बिपरीत रहेको आरोप लगाउँदै मुद्दाको निक्र्यौल नभएसम्म चारकिल्ला सिफारिस नदिने कुरा आएको जानकारी प्राप्त भएको छ ।
पत्रकारहरुको जिज्ञासामा उनले ‘मापदण्ड बिपरीत निर्माण गरिएको भवनको विषयमा न्यायिक समितिले दिएको फैसला चित्तबुझ्दो छैन । त्यसैले हामी न्यायालयसम्म जाने योजना बनाएका छौं ।’
साहले भवनको निर्माण कार्यमा मापदण्डको उल्लंघन मात्र नभइ महेन्द्र मेडिकलको सञ्चालक मनोज कुमार साहले ४० फिटभन्दा बढी उचाइको घर बनाएको दाबी पनि गरेका छन । उहाँले वडाको जनसमुदायको बैठकमा यो मुद्दालाई गम्भीरताका साथ लिइएको र मापदण्ड बिपरित कुनै पनि निर्माण कार्य नगर्न चाहिने निर्णय गरेको पनि जानकारी गराएका छन ।
वडाध्यक्ष साहले उपमहानगरपालिकाले मापदण्ड बिपरीत निर्माण कार्यको छानबिन गर्न समिति बनाएको छ । सो छानबिन समितिले दिएको प्रतिवेदनको आधारमा आवश्यक कारबाही गरिने उहाँले प्रतिबद्धता जनाएका छन ।
महेन्द्र मेडिकल प्रालिको नाममा दर्ता रहेको वडा नम्बर–३ स्थित सिट नम्बर १३९५–०५ र १३५५–२५ को कित्ता नम्बर ६६ र २२६ को ०–०–०–२.५ र ०–०–१०३ जग्गा २०८० चैत ७ गते नक्सा पास गरेविपरीत घर निर्माण र सेट ब्याक ५ फिट नछाडेर निर्माण गरेकोमा विवाद रहेको छ ।