कमल साह, जनकपुरधाम
जनकपुरधाम, पुस २२ गते । महिला वाल वालिका तथा जेष्ठ नागरिक मंत्री जुली कुमारी महतो ले मैले भ्रमण गरेको अपांग संघहरुमा जनकपुरधाम मा संचालित अबल किसिमको पूर्वाधार रहेको बताउँदै यहाँ अपांगता सेवा गृह संचालन होस कामना गर्दै त्यसको लागि चाँडो भन्दा चाँडो प्रपोजल पेश गर्न सुझाब दिनुभायो ।
महिला वाल वालिका तथा जेष्ठ नागरिक मंत्री जुली कुमारी आज नेपाल अपांग संघ खगेन्द्र नवजीवन केन्द्र जनकपुरधाम को भ्रमण क्रममा उक्त भनाई राख्नुभयो ।
उहाँले यहां संचालित नेपाल अपांग संघ खगेन्द्र नवजीवन केन्द्र प्रदेश नं.२ मा यस्ता पूर्वाधार भएको संस्था नभएको बताउँदै पछिल्ला मंत्रीहरुले किन उपेक्षित गरेको भनि आश्चर्य व्यक्त गर्नुभयो ।
मंत्री महतो ले दीर्घकालिन अपांगता पुनरस्थापन गृह सेवा संचालनको लागि जति सक्दो स्थानिय निकाय र प्रदेश सरकारबाट सिफारिस गराई प्रपोजल महिला वाललालिका तथा जेष्ठ नागरिक मंत्रालयमा ल्याउनको लागि सुझाब दिनुभयो ।
अफुलाई नेपाल अपांग संघ संचालन भईरहेको जानकारी रहेको बताउँदै मंत्री महतो आज हेर्नको लागि इच्छुक भएर नै यहाँ आईपुगेका हुन ।
नेपाल अपांग केन्द्रिय महासचिव एवं नेपाल अपांग संघ खगेन्द्र नवजीवन केन्द्र का निर्वतमान सभापति शिवचन्द्र साह ले जनकपुरधाममा वि.सं.२०४० सालदेखि नेपाल अपांग संघ खगेन्द्र नवजीवन केन्द्र संचालन भईरहेको जानकारी गराउनुभयो । उहाँले नेपाल अपांग संघ स्थापना कालदेखि नै शिक्षा मंत्रालयको विशेष शिक्षा कार्यक्रम संचालन भईरहेको हुनाले यस क्षेत्रका थुप्रै अपांग साथीहरु स्वरोजगार पाएका हुन बताउनुभयो । तर, शिक्षा मंत्रालयले सो विशेष शिक्षा कार्यक्रम बन्द गरिदिएपछि दीन हिन अपांगलाई जीवन यापन चलाउन कठिनाई हुँदै आएकोे उहाँले दुख ब्यक्तगनु भयो ।
नेपाल अपांग संघ खगेन्द्र नवजीवन केन्द्र जनकपुरका अध्यक्ष नन्दकिशोर महासेठ ले नेपाल अपांग संघ खगेन्द्र नवजीवन केन्द्र जोरपाटी काठमाण्डौमा संचालन भईरहेको दीर्घकालिन अपांगता पुनरस्थापन गृह सेवा झैं संचालन गरिदिनको लागि आग्रह गर्नुभयो ।
सो अवसरमा जनकपुरधाम उप महानगरपालिका वडा नं. ८ का वडा अध्यक्ष रमेश ठाकुर को उपस्थिति रहेको थियो ।