विश्व हिन्दी दिवसमा कविता बाचन

5 वर्ष पहिले प्रकाशित

Akul Prasad Sah

1096 Views

कमल साह, जनकपुरधाम
जनकपुरधाम, पुस २७ गते । विश्व हिन्दी दिवसको अवसरमा यहाँका हिन्दी साहित्य प्रतिष्ठानले कविता वाचन कार्यक्रम आयोजना गरेको छ ।
हिन्दी साहित्य प्रतिष्ठानका अध्यक्ष एवं प्रेस स्वतन्त्रता सेनानी तथा वरिष्ट पत्रकार राजेश्वर नेपाली को अध्यक्षतामा र वरिष्ट अधिवक्ता युगल किशोर लाल को प्रमुख आतिथ्यमा आयोजित कार्यक्रममा श्रष्टाहरुले पति पत्नी, पुत्र,पुत्रबधु लगायतका तार्किक कविताहरु वाचन गर्नुभएका छन ।
प्रमुख अतिथी वरिष्ट अधिवक्ता युगलकिशोर लाल ले राम र रावण बीच भएको युद्ध बारेमा तार्किक कविता वाचन गर्नुभएको छ । उहाँ कवितामा भन्नुभयो, ‘राम चलाएको वाणबाट रावणको हजारों शिर(टाउको) काटियो । तर, १० वटाको मात्र संस्कार भएको बताउँदै अरु शिर त्यसै ब्रह्माण्डमा घुमीरहेको थप्नुभयो । उहाँले त्यो शिरहरु पनि कंधा खोजी रहेको बताउँदै त्यस्ता कन्धाहरुबाट सचेत हुनु आवश्यकता रहेको कवितामा बताउनुभयो ।
सो कार्यक्रममा रामस्वार्थ ठाकुर गान्धी, रामहृदय प्रसाद, पूmलेन्द्र लाल कर्ण, जनकनन्दी शरण,चन्द्रशेखर राय,विजय लगायतका श्रेष्टाहरुले कविता वाचन गर्नुभयो।
सो कार्यक्रमको अध्यक्षता गर्दै वरिष्ट पत्रकार राजेश्वर नेपालीले भारतका महान कवि डा.सम्पूर्णानन्द पुन्य तिथी र शहीद सत्यनाराण पाठक लाई सम्झनु भएको छ ।
२०४५ साल पुस २६ गते सत्यनाराण पाठलाई तत्कालिन प्रमुख जिल्ला अधिकारी ले गोली ठोकेको थियो ।