कमल साह
जनकपुरधाम,जेष्ठ १७ गते । एम्नेस्टि इन्टरनेशनल नेपाल समुह(युवा) ५७ लगायत ले जेष्ठ १४ गते स्थापना दिवसको अवसरमा दीप प्रज्वलन गरेर मनाएको छ ।
यसरी विश्वका करिब १५० देशका अनेक शहरमा ए.आई.स्थापन दिवस अवसरमा विभिन्न कार्यक्रम गरी मनाईयो ।
एम्नेस्टि इन्टरनेशनल नेपालको अह्वानमा ए.आई.नेपाल युथ समुह ५७, वुद्धिजिवी समुह १५ र महिला समुह ४६ ले जेष्ठ १४ गते संयुक्त रुपमा मैनवत्ति प्रज्वलन गरी मनाईयो ।
विश्व विख्यात एवं नेपालको धरोहरहरुमध्येको एक जानकी मन्दिर आंगनमा आयोजित मैनवत्ति प्रज्वलन कार्यक्रममा शान्तिको कामनाका समेत गरिएको छ ।
सो मैनवत्ति प्रज्वलन कार्यक्रमका अध्यक्षता गर्दै ए.आई.नेपाल समुह ५७ का संयोजक कमल साह ले आस्थाका बन्दीदेखि मानवको जीवनमा हुने हरेक प्रकारका शोषण एवं उत्तपिडनको विरुद्धमा समेत ए.आई.नेपालले आवाज उठाउँदै आएको बताउनु भयो ।
उहाँले खाडी मुलुकमा नेपाली कामदारमाथि भईरहेको श्रम शोषण,महिलाको आंग खस्ने लगायतका आवाज नेपालमा उठाउने पहिलो संस्था एम्नेस्टि इन्टरनेशनल नेपाल नै रहेको जानकारी गराउनु भयो ।
आस्थाका वन्दिको रक्षाका लागि स्थापित संस्था एम्नेस्टि इन्टर नेशनलको स्थापना मई २९ तारिखका दिन भएको हो ।
यस अवसरमा आयोजित दीप प्रज्वलन कार्यक्रमको ए.आई. नेपाल समुह १५ का संयोजक मुरारी मिश्र, ए.आई. नेपाल समुह ४६ का पूर्व संयोजक इन्दरा चौधरी लगायत ले शुभकामना मन्तव्य राख्नुभयो ।
सो कार्यक्रममा ए.आई. नेपाल समुह ५७ का पूर्व संयोजक रमेश साह, महिला समुहका सक्रिय कार्यकर्ता जमुना भुजेल लगायतका उपस्थिति रहेको थिए ।