कमल साह
जनकपुरधाम,माघ २६ गते । औरही नगरपालिका– २ चेपकट गाउँका बिपन्न दलित परिवारका लागि ३० वटा घर निर्माण हुने भएको छ । उनिहरु अब टहराबाट पक्की घरमा प्रवेश गर्नेछन ।
औरहीका नगरप्रमुख प्रदिप कुमार खड्काले सोमबार एक समारोह बिच शिलान्यास कार्यक्रम गर्नुभयो ।
मेयर खडकाले दलित घरपरिवारको लागि दलित आवास शिलान्यास कार्यक्रममा भन्नुभयो, ‘विपन्नहरुलाई राम्रो वासस्थान नभएर दुःख भोग्नु परेको हुँदा आवास निर्माण गरिने कार्यक्रम ल्याएको बताउनु भयो । उहाँले हाल नगरपालिकाले दलित आवास कार्यक्रम अन्तर्गत बजेट विनियोजन गरेर आवस निर्माणको कार्य शुरूवात गरिएको बताउनुभयो । उहाँले अगाडी थप्नुभयो,अरु बाँकी रहेको लक्षित परिवारका लागि पनि नगरपालिकाले सहयोग गर्नेछ ।
नगर प्रमुख खड्काले जनताको जीवनस्तर उकास्नको लागि अगामी दिनहरुमा पनि यस प्रकारका कार्यहरु गर्ने बताउनु भयो ।
शिलान्यास कार्यक्रममा नगरपालिकाका निमित्त प्रमुख प्रशासकीय अधिकृत धिरेन्द्र लाल कार्ण ले आ.ब २०८०÷२०८१ को बजेटमा बिपन्न दलित परिवारका अवासको लागि २ करोडको लगातमा ३० वटा घर निर्माण हुने बताउनु भयो ।
औरही नगरपालिका २ का वडा अध्यक्ष दरेश यादवको अध्यक्षतामा आयोजित कार्यक्रममा औरही नगरपालिकाका ईन्जिनियर सन्तोष यादव लगायतकाले मन्तव्य राख्नु भयो ।
घर निर्माण शिलान्यस कार्यक्रममा औरही नगरपालिकाका वडा नं. २ चेपकटका सदस्यहरुले नगरपालिकाले गरिव जनताको आवास निर्माणमा सहयोग गर्न आएकोमा धन्यवाद दिएका छन् । सो कार्यक्रममा स्थानीय राजनीतिकर्मी तथा नागरिकहरुको सहभागीता रहेको थियो ।