चुरे दोहन रोक्न काठमाण्डौको पद यात्रा
![](https://mithilajagaran.com/uploads/mithilajagaran/post/2024/7------1_1716117144.jpg)
कमल साह, धनुषा
जनकपुरधाम ,जेष्ठ ७ गते । चुरे जलाधर क्षेत्र तराई मधेशको प्राणवायु हो भन्दै चुरे बचाउ अभियानीहरु संघीय राजधानी काठमाण्डौको लागि पैदल यात्रागर्दै मकवानपुर पुगेका छन ।
चुरे दोहन नियन्त्रण हुनुपर्ने,वनजंगल संरक्षण अभियन्ता दिलिप महतो लाई शहीद घोषणा गर्नुपर्ने लगायतका मांग अगाडी सार्दै अभियानीहरु सप्तरीको भारदहबाट शुरु गरिएको पदयात्रा अभियननमा २२ जना सहभागी रहेकाछन । त्यसमा महिला र पुरुष समेत रहेका छन ।
काठमाडौं माईतिघर सम्मको पैदल यात्रामा सहभागी रहनु भएका अभियानीहरु सिरहा, धनुषा, महोत्तरी, सर्लाही, रौतहट, बारा,पर्सा,मकवानपुर हुँदै अब एक दुई दिनमा चितवन जिल्लाको सडक नाप्नेछन ।
पैदल यात्रामा हिडेका चुरे तथा वनजंगल संरक्षण अभियन्ताहरु धनुषाको ढल्केवर पुग्दा उनिहरुको अभियान प्रति स्थानिय वासिन्दाहरु समर्थन जनाएका छन । छ बर्ष अगाडी वन तस्करहरुद्वारा हत्या गरिएका वनजंगल संरक्षण अभियन्ता दिलिप महतोका पिता रामजीवन महतो लगायतका स्थानीय बुद्धिजीवि, किसान मजदुरद्वारा स्वागत गरियो ।
मधेसमा भइरहेको वनविनास तथा बालुवा गिट्टी उत्खनन प्रति राज्यको उदासीनता र सम्बन्धित निकायलाई खबरदारी गर्दै अभियान प्रति आस्था, विश्वास र हौसला प्रदान गर्नेहरुलाई उनिहरु धन्यवाद दिंदैछन ।
तराई–मधेशको टाउको रुपमा रहेको चुरिया क्षेत्रको रातो, बाँके, फुलजोर, लखनदेई, बागमती, बकिया, कमला लगायतका खोलानालाहरुबाट क्रसर उद्योगीहरुले गरिरहेको अबैध उत्खनन बन्द हुनुपर्ने उनीहरुको मांग रहेका छन ।
पूर्व तथा वर्तमान जनप्रतिनिधिहरु (मेयरदेखि–सांसदसम्म) को संलग्नता एवं मिलिभगतमा अवैध उत्खनन भईरहेको हुनाले नै प्रदेश सारकार समेता उदाशिनता देखाएको अभियानी श्रीचन मुखियाले आरोप लगाउनु हुन्छ । स्थानीय तथा मधेश प्रदेश सरकारले देखाएको लापर्वाहीको कारण चुरे दोहन दिनानुदिन बढदै गएको छ । यसले प्राकृतिक पर्यावरणलाई नष्ट गरी मरूभूमिकरण एवं जलसंकट निम्त्याइरहेको छ ।
अवैध ढुंगा गिट्टी उत्खनन् बढनुको मुख्य कारण जनप्रतिनिधीहरुको कमिशन, अवैध ईलेक्सन फन्ड संकलन गर्नु रहेको मुख्या बताउँदै थप्छन, त्यसकारण धाकधम्की, गुण्डागर्दी,कुटपीट तथा मर्डरसम्म को घटना भएको हो । अभियानीहरु सरोकारबाला निकायहरुको गम्भीर ध्यानाकर्षण गराउन पद यात्रामा सरिक भएका हुन ।
कमेन्ट गर्नुहोस्
![](https://mithilajagaran.com/uploads/mithilajagaran/otherlink/WhatsApp Image 2023-07-18 at 3.24.05 PM_1689759297.jpeg)
मधेश प्रदेशको राजधानी जनकपुरधाममा पासोलागी एक महिलाको ..
धिरेश दत्त, जनकपुरधाम, साउन ९ गते । मधेश प्रदेशको राजधानी जनकपुरधाममा एक महिलाको मृत्यु भएको छ ।जनकपुरधामको वार्..
3 दिन पहिले
गीतकार अशोक दत्तलाई कर्मयोगी लखनराम सेवा सम्मान
कमल साह जनकपुरधाम,श्रावण ९ गते । साहित्यकार एवं पत्रकार अशोक दत्तलाई कर्मयोगी लखनराम सेवा सम्मान पुरस्कार पाउने ..
3 दिन पहिले
बाल कविता ः अनमोल ज्ञान
लेखक ः मनोज पण्डितबिदेह न.पा. ७,वेलापटटी, धनुषा नगर भुल बाबु नगएर स्कुल ।पाउदैनौ ज्ञान तिमी कहिले बिल्कुल ।।अन्य क..
1 महीना पहिले
कपिलवस्तुमा चट्याङ लागेर २ जनाको मृत्यु
प्रिंन्स मिश्रा, कपिलवस्तुकपिलवस्तु, असार १२ गते ।कपिलवस्तुमा आज बिहान चट्याङ लागेर २ जनाको मृत्यु भएको छ। खेतमा..
1 महीना पहिले
जसपाको महाअधिवेशन चौथो दिनमा पनि अधुरै कार्यसमिति अब चय..
कमल साहजनकपुरधाम,जेष्ठ ३२ गते । जनता समाजवादी पार्टी (जसपा) नेपालको तीन दिने एकता महाअधिवेशन चौथो दिनसम्ममा अधुर..
1 महीना पहिले
संवाददाता
![](https://mithilajagaran.com/uploads/mithilajagaran/otherlink/IMG-20231128-WA0003_1701154794.jpg)
![](https://mithilajagaran.com/uploads/mithilajagaran/otherlink/WhatsApp Image 2023-06-13 at 7.00.12 PM_1686738716.jpeg)