कमल साह, जनकपुरधाम
जनकपुरधाम, फागुन १० गते । कोविडको खोप अग्रपङ्तिमा रहेकाहरुलाई लगाउने कार्य फागुन ८ गतेसम्म जारी रहने छ । यसपछि चाँडै जेष्ट नागरिकलाई खोप लगाउने कार्यक्रम भईरहेको छ ।
कोविड खोप लागाउने दोश्रो चरणको कार्यक्रम फागुन २ गतेबाट भएको छ । यो खोप कार्यक्रम फागुन ८ अर्थात भोली शनिवारसम्म चल्नेछ । खोप कार्यक्रम जिल्ला स्वास्थ्य कार्यालय धनुषा,जनकपुरधाम उप महानगरपालिका लगायतका केन्द्रहरुबाट भईरहेको छ ।
दोश्रो चरणको खोप कार्यक्रममा छुटेका स्वास्थ्यकर्मी, निजामति कर्मचारी,स्थानीय तहमा निर्वाचित जनप्रतिनिधी, जनपथ प्रहरी, सीमा क्षेत्रमा खटिएका सशस्त्र प्रहरी, बैंक वितिय समुहका कर्मचारी, न्याय सेवा, प्राधिकरण र संस्थानमा कार्यरत कर्मचारीलाई खोप लगाउँदै छन ।
भारत सरकारबाट अनुदानमा प्राप्त कोभिड खोप पहिलो चरणमा अग्रपंक्तिमा खटिने स्वास्थ्यकर्मी र सफाईका कर्मचारीलाई खोप लगाएको थियो । अग्रपंक्तिमा भएकाहरुलाई सरकारले माघ १४ देखि लगाउने कार्यक्रम आरम्भ भएको थियो ।
अब तेश्रो चरणमा जेष्ट नागरिकलाई खोप लगाईने कार्यक्रम छ । फागुन २३ वा त्यो भन्दा अगाडिबाटै ६० वर्षभन्दा माथि उमेर भएका मानिसहरूलाई खोप दिने कार्यक्रम रहेको छ ।
स्वास्थ्यमन्त्री हृदयेश त्रिपाठीले भन्नुभयो, ‘खोपको उपलब्धतालाई हेरेर बढीमा फागुन २३ नभए अझ चाँडै नै हामी ६० वर्षभन्दा माथिका उमेर समूहका मानिसलाई खोप लगाउँदैछौँ ।’
मन्त्री त्रिपाठीका अनुसार ६० वर्षभन्दा माथिका करिब २८ देखि २९ लाख जनसङ्ख्या रहेको छ । र ५५ वर्ष भन्दा माथिका समेट्ने हो भने ३७ लाख जनसङ्ख्या रहेको आकलनबमोजिम मन्त्रालयले खोप व्यवस्थापन गरिरहेको छ ।
भारतबाट अनुदानमा प्राप्त कोभिशील्डको दश लाख मात्राको सुरुवाती चरणमा अग्रपङ्तिमा खटिनेहरूलाई सरकारले खोप उपलब्ध गराइरहेको छ ।
मंत्री त्रिपाठीले अहिलेसम्म हामीले अस्पतालमा बोलाएर खोप दिइरहेका थियौँ । तर, अबको चरणमा खोप केन्द्रहरूमार्फत् खोप दिलाइने भन्नुभयो ।