कमल साह
जनकपुरधाम,फागुन २१ गते । जनकपुरधाम उपमहानगरपालिका वार्ड नं. २३ का वडाध्यक्ष राघवेन्द्र साह ले वेला बखतमा सरकारले सुकुम्बासीहरुलाई मधेशको जंगल फडानी गरेर जमिन वितरण गरेको थियो । तर, देशका वास्तविक भूमिपुत्रहरु आजसम्म सुकुम्बासी जीवन विताईरहेको बताउनु भयो ।
उहाँले यो कुराको लागि उदाहरण आफ्नै वडालाई दिनुभयो । जनकपुरधाम उपमहानगरपालिकाको वडा नं. २३ को बेला र बिन्धि गाउँमा झण्डै एक सय घर मुसहर जाति रहेका छन् । तर, उनिहरुले सार्वजनिक पोखरीको डिलमा घर बनाएर जीवन यापन गर्दै आएको उहाँले बताउनु भयो ।
वडाध्यक्ष साहले बिन्धि,बेला झैं जनकपुरधाम उमहानगरपालिकामा थुप्रै मुसहर सुकुमवासी भएर जीवन आपन गर्दै आएका हुन । तर, उनिहरुलाई आजसम्म सरकारले जग्गाको स्वामित्व प्रदान गर्न नसेको भन्दै दुःख व्यक्त गर्नुभयो ।
वडाध्यक्ष साह ले सोमवार मुसहर समुदायको देवता भुईयाँ महाराजको पूजा समारोह आयोजना गर्नुभयो । त्यस अवसरमा उहाँले उक्त कुरा बताउनु भयो ।
साविक बिन्धि गाउँपालिकामा एउटै गाउँको एउटै समुदायको प्रधान पंच हुँदै आएको थियो । जनकपुरधाम उपमहानगरपालिकाको एक वार्ड नं. २३ भएपनि बिन्धीको प्रभुत्व छँदै थियो । त्यस प्रभुत्वलाई तोडन स्थानिय निर्वाचन ताका बेला र लादो गाउँका जनता एक मत भएका थिए । यसैक्रममा बेला गाउँका मुसहर जातिले राघवेन्द्र साह वार्ड अध्यक्षमा निर्वाचित भए भुईयाँ महाराजको अपटनी गर्ने भाकल गरेका थिए । सो कुरा वडाध्यक्ष लाई थाह हुँदा उहाँले फागुन १९ गते अपटनी पूजा गर्नुभयो ।
अपटनी पूजाको क्रममा सक्रिय रहेका धामिहरुलाई सम्मानस्वरुप तकमा प्रदान गर्दै वडाध्यक्ष साहले हाम्रो वार्डमा रहेको सुकुम्बासी मुसहर जातिलाई दुई–दुई कठ्ठा जमिन प्रदान गरेर वास्तिविक नागरिक बनाई दिनको लागि आग्रह गर्नुभयो ।
भूईयाँ महाराजको पूजा अवसरमा बेला,लादो,बिन्धी लगायतका गाउँबाट श्रद्धालु भक्तजन तथा भरभालादमीको उपस्थिति रहेको थियो ।