मिथिलाञ्चलमा धुमधामका साथ आज चौरचन पर्व मनाइँदै
धिरेश दत्त
जनकपुरधाम, असोज १ गते सोमबार । जनकपुरधामः मिथिलाञ्चलमा प्रसिद्ध चौठचन्द्र अर्थात् चौरचन पर्व आज मनाइँदैछ । हरेक वर्ष भदौ शुक्लपक्ष चतुर्थीका दिन यो पर्व मनाइने गरिन्छ । जनकपुरधाम सहित मिथिलाञ्चलवासीले चौठचन्द पर्व धुमधामका साथ आज मनाइँदैछ ।
यस क्षेत्रमा छठ पछिको दोस्रो ठूलो पर्वका रूपमा चौठचन्द्र पर्व मनाइन्छ ।
यस पर्वका दिन महिला दिनभरि उपवास बसेर साँझमा गणेश र चन्द्रमाको विधिपूर्वक पूजा गर्ने परम्परा छ । साँझ सूर्यास्तपछि गाईको गोबरले आँगन लिपपोत गरी बनाइएको चतुष्कोण यज्ञस्थलमा द्वीप प्रज्ज्वलन गर्दै उपवास बसेकाहरूले फलफूल र मिष्ठान्नको परिकारलाई प्रसादका रूपमा चन्द्रमालाई देखाएर पर्व समापन हुने परम्परा रहेको छ ।
खासगरी आँगनमा पूजा हुने भएकाले चामलको पीठोको कलात्मक अरिपन बनाई, त्यसमाथि पूजाका सामग्री राखेर धार्मिक विधिपूर्वक पूजापाठ गरिन्छ । त्यसक्रममा नयाँ माटोका भाँडाको दही, केरा, मिठाई, फलफूलका साथै विभिन्न प्रकारका पकवान राखेर विभिन्न देवी–देवतालाई चढाइने गरिन्छ ।
दिनभरि निराहार व्रत वा उपासना बसेका महिलाले साँझपख चन्द्रमा उदय हुनु अगाडि दिनमा बनाइएका पूजा र अन्य सामग्री आँगनमा अरिपन बनाई माटोका भाँडामा सजाएर राख्दछन् । चन्द्रमा उदय भएपछि बर्तालु महिलाले हातमा कुनै फल लिएर चन्द्रमाको दर्शन गर्ने र त्यसपछि परिवारका अन्य सदस्यले पनि त्यसैगरी दर्शन गर्ने प्रचलन छ ।
चौथीको दिन चन्द्रदेवलाई खाली हात दर्शन गर्न नहुने मान्यताअनुसार चौठचन्द्र पर्व मान्ने परिवारजनले हातमा केरा, स्याउ, अम्बा, अनार, काक्रा, घरमा तयार पारेको पकवान, मिठाई, गाँजरजस्ता सामग्री लिएर दर्शन गर्ने यहाँको परम्परा रहेको छ ।
दिनमा प्रसाद बनाउने र बेलुका पूजा गर्ने भएकाले आज बिहानैदेखि घर–घरमा प्रसाद तयार गर्न महिला व्यस्त छन् ।
कमेन्ट गर्नुहोस्
एमाले सर्लाहीको अध्यक्षमा साह निर्वाचित, अन्य पदाधिकार..
संजु कर्ण, जेठ ४ गते । नेकपा एमाले सर्लाहीको अध्यक्षमा राजनारायण साह निर्वाचित भएको छ । निकटतम प्रतिस्पर्धी गणेश..
16 घन्टा पहिले
अख्तियारको टोलीद्धारा पोखरिया नगरपालिकाबाट कागजातहरु ..
रंजित चौरसिया,वीरगंज २ जेष्ठ । पर्साको पोखरिया नगरपालिकामा अख्तियार दुरुपयोग अनुसन्धान आयोग हेटौंडाको टोली मंग..
3 दिन पहिले
रुट परमिटको नाममा भारतीय पर्यटकमाथि ट्राफिक प्रहरीको ज..
प्रिंन्स मिश्रा, कपिलवस्तुकपिलवस्तु, बैशाख ३० गते । अधिकांश भारतीय पर्यटकहरु भन्सार शुल्क तिरिसकेपछि निर्वाधरु..
6 दिन पहिले
कविता :- विद्यालय मन्दिर हो
कविताविद्यालय मन्दिर हो लेखक ः मनोज पण्डित बिदेह न.पा. ७, वेलापटटी, धनुषा विद्यालय मन्दि..
6 दिन पहिले
जानकी जन्मोत्सव नौ दिवसिय मनाईदै
कमल साहजनकपुरधाम,वैशाख ३० गते । श्री जानकी नवमी महोत्सव यहाँका श्री जानकी मन्दिरलगायतका मठ मन्दिरहरुमा नौ दिवसि..
6 दिन पहिले